فيك وبلاك

إلى كلّ الآباء، والرّجال من العربان على العموم، الّذين يكبتون ويضطهدون بناتهم نهدي هذا الكلام الخاص باللهجة التي يفهمونها:

سلمان مصالحة 

فيك وبلاك

بِنْتَكْ وِينِ مْخَبِّيهَا يَا بُو كَرْشِينْ
مْفَكِّرْ إنَّكْ حَامِيهَا مِنْ صِيبِةْ عِينْ؟

بِنْتَكْ بَدْهَا تِتْكَشَّفْ عَى شَمْسِ وْمَيّْ
وِانْتِ بَدَّكْ تِتْقَشَّفْ، مَا يْشُوفَا حَيّْ

بُكْرَا الصُّبْحِ بْتِتْطَلَّعْ مِنْ حَوْلَكْ هِيكْ
بْتِتْرِكْ لَكْ كُلِّ رْجَالَكْ، لا تِعْمَلْ بِيك!

بِنْتَكْ لِيشِ مْخَبِّيهَا عَنْ عِينِ النَّاسْ
مْفَكِّرْ إنَّكْ حَامِيهَا مِنْ وَجَعْ رَاسْ؟

شُوفِ الدِّنْيَا يَا جَاهِلْ يَا بُو كَرْشِينْ
رَاسَكْ هُوِّ لِمْخَمِّجْ مِنْ فِكْرِ الشِّينْ

بِنْتَكْ وِينِ مْخَبِّيهَا فِي كْياسِ وْخِيشْ
وْهِيِّ شِكْلا زَعْلانِةْ، وِبْتِعْرِفْ لِيشْ.

كُلَّ ابِّ بْيِيجِي يُومُهْ، بِنْتُهْ بْتِنْـ...اكْ
مَا يْفَكِّرْ إنُّـهْ مَالِـكْ بِنْتُـهْ أَمْلاكْ

بِنْتَكْ وِينِ مْخَبِّيهَا يَا بُو عِينِينْ!
مْفَكِّرْ إنَّكْ حَامِيهَا مِنْ صِيبِةْ عِينْ؟

بِنْتَكْ كِبْرَتْ، مَا تْسِيبَا تِقْطَعْ لِسْلاكْ
وِانْ كَانَتْ تِعْرِفْ دَرْبَا هِيِّ مَلاكْ.

لا تْفَكِّرْ إنَّا الدِّنْيَا بْتِخْرَبْ لَوْلاكْ
هَـ الدِّنْيَا صَارَتْ حُرَّةْ، فِيكِ وْبَلاكْ
*

مشاركات:





تعقيبات فيسبوك :

0 تعليقات:

إرسال تعليق

جهة الفيسبوك

 

قراء هنا الآن


أطلق الموقع في أكتوبر 2008



عدد زيارات منذ الإطلاق
blogger statistics